Das Lied der Krautscheißer
Refrain: Krautscheißer werde mir genannt,
mir send Land auf Land ab bekannt,
im Echaztal send mir zu Haus'
zur Fasnetszeit do komma mer raus,
schreiet älle gar et heißer
I:drei mol kräftig laut Kraut-scheißer:l(noch 3x wiederholen)
1.) Am Öbersten do fang mr o,
dass mr dia Fasnet feira ko,
drom freiet sich dia Narra äll,
ond send a'r Fasnet glei zor Stell
Krautscheißer hallts von überall,
selbscht en Mainz beim Karneval.
2.) Schalmeien spieled emmer fort,
Krautscheißer ziehed durch da Ort,
Kochhäfa necket älle leut,
so ischt des an der Fasnetszeit,
en Unterhausa stoht äll's Kopf,
du machscht et mit no bischt a Tropf.
3.) Dr Narrasama wächst dra nei,
dass weiter goht dui Narretei,
mir hend a Motto ischt ganz klar,
des gilt für die ganz Narraschar,
jedem zor Freid koinem zom leid,
ischt onser Ziel für älle Zeit.
4.) So feire mir em Echaztal
jo uff dr Sroß ond au em Saal,
mit älle mo halt lustig send,
ob Frau ob Mo ob kleine Kend.
A'r Fasnet ischt des oinerlei
am Aschermittwoch isch vorbei.